Yr wythnos hon cefais wahoddiad i gymryd gwers gyda disgyblion Blwyddyn 6 am y Cymun Bendigaid. Dim ond dau o blant yn y dosbarth oedd erioed wedi bod mewn gwasanaeth cymun, ac nid oedd neb wedi derbyn cymun eu hunain.
Fe aethom drwy'r Swper Olaf o'r Testament Newydd a sut mae hynny wedi dod yn sacrament yn yr eglwys Gristnogol. Roedd ganddynt ddiddordeb mawr mewn clywed am fy mhrofiadau personol o gymryd cymun mewn amrywiaeth o leoliadau gwahanol, ac yn awyddus i wybod pam fod cymun yn bwysig i Gristnogion, a sut y mae'n gwneud i ni deimlo cyswllt efo Dduw. Ar ddiwedd y wers fe basiwyd bara a sudd grawnwin fel y gallent brofi drostynt eu hunain sut fod cymun yn cael ei gymryd yn fy eglwys i, gan ei gwneud yn glir ein bod nad oeddynt yn cymryd cymun go iawn, dim ond blasu.Ar ddiwedd y wers, fe ofynnais iddynt rannu sut oeddynt yn teimlo ar ôl chwarae rôl o gymryd cymun.  Fe gefais ymateb positif iawn gan bob un, gyda disgrifiadau megis 'heddychlon', 'distaw,' 'meddylgar' yn dangos ei fod wedi gwerthfawrogi'r profiad. 
 (Wendy)

Yn ystod ein gwaith anffurfiol wythnosol yn yr Alun a Faes Garmon, rydym wedi cynnig her adeiladu. Fe gafodd timau o ddisgyblion paced o 'jelly babies' a phicau dannedd ac fe roddwyd anrhydedd mawr i'r twr talaf a oedd dal i sefyll ar ddiwedd 5 munud. Fe gafodd y  tyrau eu bwyta yn gyflym (nid y picau!).
Fe gawsom  sgyrsiau gwych am sylfeini bywyd, a rhannu dysgeidiaeth Iesu am adeiladu ar y graig gadarn sydd i'w gael dim ond ynddo Ef.

Meddyliau gan Wendy -
Rydw i wedi bod yn sâl am ychydig wythnosau gyda labrynthitis firaol, sydd wedi fy ngadael yn benysgafn a dryslyd (dim byd newydd yno, byddai llawer yn dweud!)  Roeddwn yn flin iawn i mi orfod cymryd wythnos yr wythnos diwethaf i ffwrdd.

Mae'n gymaint o ryddhad i allu gorffwys a gwella o wybod bod Arawn a Hannah yn cadw pethau'n rhedeg yn llyfn yn yr ysgolion lleol. Mae ein myfyriwr dyfeisgar Hannah Stephens wedi camu i fyny i'r her a chyda dim ond mewnbwn bychan oddi wrthyf, mae hi wedi gwneud yn siŵr bod pob un o'r adnoddau yn barod ar gyfer ein gwasanaethau yn rheolaidd, ac mae hi wedi cyflwyno'r gwasanaethau gyda naill ai ein Arawn neu Olive Peters, un o'r Ymddiriedolaethwyr.
Mae'r gwaith rheolaidd yn yr ysgolion uwchradd wedi parhau hefyd, gydag Arawn a Hannah yn cynnal y ddau glwb Cymraeg yn Ysgol Maes Garmon, a Ben a Hannah yn bwrw 'mlaen yn yr Alun.  Rwy'n gobeithio fod yn ôl yn yr ysgolion fy hun yr wythnos hon, byddai eich gweddïau yn cael ei werthfawrogi'n fawr. Ar hyn o bryd mae synau uchel a thyrfaoedd mawr braidd yn llethol, felly efallai rhaid i mi fod cymryd rhan yn y cefn am gyfnod bach bellach.
(Wendy)